یاغیش
دونن آخشام چاغی سنسیز منی آغلاتدی یاغیش
یادیما سالدی سنی مطلبینه چاتدی یاغیش
کوچه لر اولدو گؤزومده یئنه بیر آرپا چایی
منی سنسیز نئجه نیسگیل سئلینه آتدی یاغیش
اودو سؤندورمه سواینان قایداسیدیر آمما دونن
کؤزرن گؤیلومو یاغدیقجا آلوولاتدی یاغیش
دامجی دامجی سنه لای لای دئدی قوینومدا منیم
نه دئیم بلکه سنی کورپه یه اوخشاتدی یاغیش
او قدر مستیدیم هئچ بیلمدیم آخیر نه زامان
سینم اوسته ساریلان تئللری ایسلاتدی یاغیش
سورا بیلدیم آپاریب قورد گئچینین شنگولوسون
سنی مندن آلیب آنجاق منی آلداتدی یاغیش
منوي اصلي
نويسنده: 