وطن قارداشی
وطن قارداشی دئدیم بو یولدا سنه
دئدیم بویوک قارداش سان، دایاقسان منه
وطنیمه اؤلورم دئیرسن یئنه
چیخارمی سس اگر اولسا ال بیر دنه؟
دئدیم الیمدن توتوب یاردیم ائدرسن
گوردوم ایاقدان چکیب سونرا گئدرسن
ایله ش یئرینده،سن قیزسان منه دئیرسن
هله سورا منیم قدریمی بیلرسن
میللت چی لیقی آپاریب شهرت سئلی
سن ایستیرسن قورویاسان بو ائلی؟؟؟
گون به گون آرتیریرسان آرادا کئنی
بو ایشلردن سیندیریسان وطن بئلی
منده ائلین قیزیام گل بیر چالیشاق
بیز گرک بیر بایراق آلتیندا یاشیاق
بیزیم آماجیمیز اؤزگورلوقدو ،گرک
باجی قارداش اولوب ، بیرلیکدن باریشاق
وطنیمیز ایستیر بیز بیر اولاق
دشمندی ایستییر ایلگیمیزی پوزاق
ایستیرلر یولوموزدا قویو قازاق
یاخین یولو ائدیرلر بیزه اوزاق
وطن آنامیزدی ، سن سن قارینداشیم
گورسم یامان گونده سن آخار گؤز یاشیم
بیر سئوگیلیم وار، مین لرجه قارداشیم
سارای دی منیم آدیم، اوجادیر باشیم
|
منوي اصلي
نويسنده: 