هارداسان ! (قطران تبریزی)
هارداسان، ائی کؤنلومه دینجلیک وئرن جان، هارداسان؟
چوخ چاغیردیم، گلمدین، ائی درده درمان، هارداسان؟
فیرقته دؤزمک چتین، وصلینده کسدیم اولفتی،
شادلیغی، شئریّتی محو ائتدی هیجران، هارداسان؟
هر زامان کؤنلوم سوْرار: نئیچون سوُسوب اَیلشمیسن؟
بیر قمر هیجرینده کؤنلوم قالدی نالان، هارداسان؟
داشلا سینایدی قولو وصلین، تاپاردیم مومییا،
هیجر ایله سینمیش قولوم، قیل چاره، لوغمان، هارداسان؟
بیر چیراغ ایمیش ووصال، دوشدو قفیل توفانلارا
نورومو ظولمتیمی اوُددو، ائی چیراغبان، هارداسان؟
هیجرینین، یا وصلینین خئیری ندیر، معناسی نه؟
بیر قیلینج چکمیش زامان، وصلی توتور قان، هارداسان؟
فیرقتین بیر تانری حؤکمو… سن اؤزون تانریم منیم!
تانری حؤکموندن نه جور قورتاریم جان، هارداسان؟
قطران تبریزی
|
منوي اصلي
نويسنده: 