سنی ویران اولاسان

سنی من باغریما باسدیم منه جانان اولاسان

چوللرین لیلی سی اولدوم، سنی حیران اولاسان

روزگارین ائتدیگی چوخ آجی چکدیردی منه

گلدیغیندان منی ییخدین ،سنی ویران اولاسان

منی عاشیق یارادیپ تانری آمان کی دئمیرم

ای نمک بیلمیین انسان سرگردان اولاسان

گوزلریم یوللارا حسرتله باخیپ دولدو گینه

سنی حسرت قالاسان بی کسِ دوران اولاسان

منی بو درده گرفتار ائلیین عشقینیدی

او قفسده غزلِ مرغِ پریشان اولاسان

آرامیزدا بیری وار ، من بیلیرم سن نه قدر

بی وفا چیخمیسان البته پشیمان اولاسان