بو گئجه

یئنه او ماه منیم آلدی قراریم بو گئجه
چیخاجاق دیر فلکه ناله ی زاریم بو گئجه
شمع و محرم بزم ائیله دی او ماه منی
یاناجاق دیر هیجر اودونا، واریم بو گئجه
هم وصالی اوت اولور جانیما، هم هجرانی
بیر عجب شمع له دوشدو، سروکاریم بو گئجه
نه توتون دور کی چیخار چرخه، دل زاره مگر؟
هجر داغینی اورار لاله عذاریم بو گئجه
پاره- پاره جیگریم، ایتلرینه نذر اولسون
او سر کویا اگر دوشسه گذاریم بو گئجه
صبحه سالدی بو گئجه شمع کیمی قتلیمی هجر
اولا کیم صبح گلینجه، گله یاریم بو گئجه