اورییم قانلا دولوپ گوزلریم آغلار آی آنا
هر امیدین قاپیسین اوستومه باغلار آی انا
من کی دنیا دا محبت ائله دیم هر گلنه
نه دن  آواره فلک قلبیمی اوخلار آی آنا
نه یتیمین نه فقیرین اوریین داغلامیشام
بو یارا قلبیمی دنیا نییه دوزلار آی آنا
هر کسین جور و جفاسین چکرم من اوره یه 
پس ندن جانیما دولدوردو  دومانلار آی آنا
هر کسه جان دئمیشم دشمن جان اولدو منه
نا امیدم باسارام  باغریما داشلار آی آنا
سنه قربان بو جفا لرده یانان قان اورییم
یوزووی آللا ها دوت ائیله دعالار آی آنا