آمان عشقین الیندن

دلبریم غملی اورکدن گنه دردیم جوشدی

غملی سوز غملی اورکدن قولاغ آسماق خوشدی

بیری مجنون کیمی دونیایه گلیب قویدی اثر

مینلری آلدی قلم اول اثره سوز قوشدی

بو حکایتلری مینلر اشیدیب اولدی دلی

چوخی دا گلدی اشیدمز قولاق آسدی کشدی

عشق بیر اود دی کی خاصییتی یاندیرماقدی

یاندیرار باخماز اورکلر قورودی یا یاشدی

دردیمی بیلسن اگر یانمیاسان واردی عجب

رجعت ایله اورگه باخ گور اورکدی داشدی

کیم اگر عاشق اولا یوللاری باش اوسته گدر

بونا باخماز کی آیاغ یولدا گدر یا باشدی

نه عجایبلی بیر عالمدی بو عشقه دوشماق

قانلی باده اورگیم جامینه دولدی داشدی

الحذر بو گوز الیندن کی منی سالدی اودا

بیرباخیشدا اورگیم قاشدی کی قاشدی  قاشدی

منی بیر مخمصه یه سالدی اوزی دوردی دالی

او باخیشدان سورا کور اولدی باش ایشدن آشدی

اورگیم امما سوکوب آشدی بویددی یارانی

الی سوکمکده بیری تیغ بیری ماققاشدی

منده مجنون کیمی بیر گون جانی وررم گئدرم

خالق سویلر کی او گون قوندی بوگونده اوشدی