آزربایجانیم

سن سیز داریخمیشام ؛ بیلیرسن نئجه
گلیرسن یوخوما هر گون هرگئجه
گلردیدم قوینونا ایسته دیگیم جه
دردیمین درمانی آزربایجانیم
کاش گلیب گؤره ردیم- حالینی بیله ردیم
آغلایان گؤزونون یاشینی سیله ردیم
آی منیم گولشنیم آزربایجانیم
کئچیلمز یوللارین کئچه بیله ردیم
شاه بولاغ سویوندان ایچه بیله ردیم
دردیمین درمانی آزربایجانیم
سوندو اوره گیمی نئچه آرزولار
سیخدی اوره گیمی سیخدی دویغولار
کاش یئتیره سنه منی بو یوللار
آی منیم گولشنیم آزربایجانیم
اجدادیمی خبر آلسان
تورک اوغلویام تورکم من
آزربایجان منیم ائلیم
آزربایجان منیم دیلیم
دوغرانسادا دیلیم دیلیم

منیم دیلیم اؤلن دئیل

باشقا دیله چونن دئیل
دیلیم اولسه من ده اوللم
آنا دیلیم اولن دگیل
باشقا دیله چونن دگیل