سینیق قلبیم

آی چیخدی بولود آلتیندان روخسارینی عیان ائتدی

گورجك مه-تابانی كونلوم ده فغان ائتدی

یالواردیم او ماهه من ، نورون ساچا گولزاره

دوندردی اوزون مندن ، عشقین ده نهان ائتدی

قارشی دوروب باخدیم حسرتله گوزل یاره

بیر باخدی خومار گوزله قاشین دا كمان ائتدی

گلدیم ده تمنایه صیدق ایله سالام وئردیم

ترك ائت بو دییاری سن آخیردا بیان ائتدی

پروانه سایاق من ده دوورونده طواف قیلدیم

یاندیردی پر و بالیم جیسمیمی تالان ائتدی

آغلار گوزیله بیرده یالواردیم او ماهه من

نئشتر كیمی كیپریكلر سینمده نشان ائتدی

اود توتدو اورك یاندی ،كونلوم ده آلاولاندی

یاندیردی سینیق قلبیم جوورون ده كلان ائتدی

گئتدی دیزیمین طاقی قددیم ده كمان اولدو

گورجك بو حالی دلبر بیر لحظه فغان ائتدی

اغیارا دئمه دردین ملحم سنه بو لئیلی

قهرین كوكونو قازدی رسوایی-جاهان ائتدی

آغلار گوزیله "مجنون" بیر باخدی فرحلندی

قم كولبه سی اوچموشكن شادلیقدا قالان ائتدی

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید