Oxu bu şeiri

Bilmək istiyirsən niyə daha gəlmirəm dalınca 

Onda sən oxu bu şeiri kəlmə kəlmə qurtarınca 

Çoxu bu ki mən dəyildim sənə layıq ey gözəl yar 

Gedirəm olam layıqın sonra mən gələm yanınca 

Birdə ki dedim bəlkə sən məni sevmiyirsən gülüm 

Yoxca gər biləm sevirsən gələrəm üçü sayınca 

Belə bilmə ki səni mən unudub daha sevmirəm 

Hər zaman ürək qan olur səni mən yada salınca 

Onda ki sevirdin məni bilmədim sənin qədrivi

Indi gəl könül patlayır neçə gün sənsiz qalınca 

Daha yar gücüm çatmırı ki yazam qalan sözləri 

Axı göz yaşım sel oldu bu şeiri mən yazınca

Şair : Vəhid Şükürzadə

اوخو بو شعری

بیلمک ایستییرسن نییه ، گلمیرم داحا دالینجا 

اوندا سن اوخو بو شعری کلمه کلمه قورتارینجا 

چوخو بو کی من دئییلدیم سنه لاییق ای گوزل یار 

گئدیرم اولام لاییقین سونرا من گلم یانینجا 

بیرده کی دئدیم بلکه سن ، منی سئومییرسن گولوم

یوخجا گر بیلم سئویرسن گلرم اوچو سایینجا 

بئله بیلمه کی سنی من ، اونودوب داحا سئومیرم

هر زامان اورک قان اولور ، سنی من یادا سالینجا

اوندا کی سئویردین منی ، بیلمه دیم سنین قدرینی

ایندی گل کونول پاتلاییر نئچه گون سنسیز قالینجا

داحا یار گوجوم چاتمیری کی یازام قالان سؤزلری 

آخی گؤز یاشیم سئل اولدو بو شعری من یازینجا

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Gizli yaşaram

Eşq odunda külə dönsəm mənə xoşdur yanaram mən

Gözləməkdən korda olsam yollara yar baxaram mən

Ayrılıqdan selə dönsə gözlərimdən tökülən yaş

Mənə rəhm eyləməyinca gecə gündüz yağaram mən

Yaradan böylə yaradmış öldü var döndü yoxumdur

Inan ey can ya ölüb ya istəyimə çataram mən

Ölüm halda desə Allah istə axır istəyini

Qələm allam qanımıyla sənin ismin yazaram mən

Gər biləm ki aşiqimsən səni görmək həvəsiylə

Duman üzlü savalan tək uca dağdan aşaram mən

Yox əgər ki sevməyirsən mənə tay bir dəli aşiq

Onda yalnız ürəyində gizli gizli yaşaram mən

Şair : Vəhid Şükürzadə

گیزلی یاشارام

عشق اودوندا کوله دؤنسم منه خوشدور یانارام من

گؤزله مکدن کوردا اولسام یوللارارا یار باخارام من

آیریلیق دان سئله دؤنسه گؤزلریمدن توکولن یاش

منه رحم ائیله مه یینجا گئجه گوندوز یاغارام من

یارادان بؤیله یارادمیش اؤلدو وار دؤندو یوخومدور

اینان ای جان یا اولوب یا ایسته ییمه چاتارام من

اولوم حالدا دئسه آللاه ایسته آخیر ایسته یینی

قلم آللام قانیمیلا سنین ایسمین یازارام من

گر بیلم کی عاشیقیم سن ، سنی گؤرمک هوسیله

دومان اوزلو ساوالان تک اوجا داغدان آشارام من

یوخ اگر کی سئومه ییرسن منه تای بیر دلی عاشیق

اوندا یالنیز اوریینده گیزلی گیزلی یاشارام من

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Hardasan gəl

Ayrılıqdan dağ başını aldı ahım hardasan gəl

Allahıma and içirəm yox gunahım hardasan gəl

Yandı gəlbim hicr odunda dərmanı yar təkcə sənsən

Ey təbibim nazlı yarım padışahım hardasan gəl

Fürqətindən qan içində qan içir divanə könlüm

Ey pərəstiş eylədiyim qibləgahım hardasan gəl

Çoxları olmuş pərişan o kaman qaş ox baxışdan

Ey kaman qaş ox baxışlı tək sıpahım hardasan gəl

Yar sevilmək çox çətindir məndə yoxdur böylə bir güc

Ey mənim sevdalara sevgi pənahım hardasan gəl

Mən xəta etdim yanıb hicranda hər gün pak olundum

Day qutardı yar cəzaye ıştıbahım hardasan gəl

Şair : Vəhid Şükürzadə

هارداسان گل

آیریلیق دان داغ باشینی آلدی آهیم هارداسان گل

آللاهیما آند ایچیرم یوخ گوناهیم هارداسان گل

یاندی قلبیم هیجر اودوندا ، درمانی یار تکجه سنسن

ای طبیبیم ، نازلی یاریم ، پادیشاهیم هارداسان گل

فرقتیندن قان ایچینده قان ایچیر دیوانه کونلوم

ای پرستیش ائیله دییم قیبله گاهیم هارداسان گل

چوخلاری اولموش پریشان او کامان قاش اوخ باخیش دان

ای کامان قاش اوخ باخیشلی تک سیپاهیم هارداسان گل

یار سئویلمک چوخ چتیندیر ، منده یوخدور بؤیله بیر گوج

ای منیم سئودالارا سئوگی پناهیم هارداسان گل

من خطا ائتدیم یانیب هیجراندا هر گون پاک اولوندوم

دای قوتاردی یار جزای ایشتیباهیم هارداسان گل

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

ایلهام گلر ، اورک دولار

آنا دیلی شیرین اولار

شاعیر یازار اؤز دیلینده

آلقیشلانار اؤز ائلینده

مین ایل کئچسه یاددان چیخماز

اونون شعری کهنه اولماز

آما گلیب ائله زامان

دئیبلر کی آمان آمان

شاعیر گرک فارسی یازسین !

اؤز دیلینین قبرین قازسین !

اؤزگه ائلدن آلقیش آلسین !

اؤز دیلینی دالی سالسین !

آخی او دیل اوستون دیلدیر !

شعرینده ده بونو بیلدیر

بو سؤزلره اینانان وار

اؤزگه دیلده شعر یازان وار

شعرلرینی فارسی یازیر

اؤزگه اوچون یولون آزیر

اؤز دیلینده بیر شعر یازمیر

مگر آنا دیلین قانمیر ؟

اؤزگه دیلده مین شعر یازیب

اؤز دیلینی باشدان آتیب

بئله شاعیر اولماز اولسون

شعر ایلهامی گؤروم سولسون

من دئمیرم تک تورکجه یاز

فارسی شعرلرین اولسون آز

اون شعر اؤز دیلینده یازسان

عیبی یوخ بیر دفه آزسان

آما تک فارسی یازیرسان

هر زامان بیل کی آزیرسان

شعرلری چاپ اولماق اوچون

ایکی آلقیش آلماق اوچون

آنا دیلین ساتماق اولار ؟

اؤز میللتین آتماق اولار ؟

سنی سئودی فارس میللتی

یاشاگینان بو ذیللتی

اؤز ائلیندن سئونین یوخ

داشین سندن ارزیشی چوخ

قوی کی سنی سئوسین ایران

منه یئتر آذربایجان

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

آنا گولدور٬ بير گون سولار Ana güldür, bir gün solar
آنا ديلى شيرين اولار Ana dili şirin olar

بيزيم توركو شيرين ديلدير Bizim Türkü şirin dildir
خوش صدالى٬ زنگين ديلدير Xoş sədalı, zəngin dildir

ديل گونشدير٬ ايشيق ساچار Dil günəşdir, ışıq saçar
آزادليغا قاپى آچار Azadlığa qapı açar

يادين ديلى بويوندوروق Yadın dili boyunduruq
بير گئچيددير بوروق بوروق Bir geçiddir buruq buruq

بويوندوروق خالقى بوغار Boyunduruq xalqı boğar
گئچيدلرده قولدور سويار Geçidlərdə quldur soyar

قوى يادلاشسين سئناتورلار Qoy yadlaşsın senatorlar
خالقى سويان تاجير٬ توججار Xalqı soyan tacir tüccar

يالتاق شاعير يولون آزسين Yaltaq şair yolun azsın
تكجه فارسى غزل يازسين! Təkcə Farsı qəzəl yazsın

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

گئتمیسن سن قالمیشیق غمده آتا

قویموسان بیزلری ماتمده آتا

نه قدر یاخجیلیغیندان دئسم آزدی

یوخ سنه تای بوتون عالمده آتا

آتا جان آلدی الیمدن سنی ظالیم بو فلک

گؤز یاشیم سئل تک آخیر دوزموری هیجرانه اورک

بیلمه دیم قدرینی من دونیادا اولدوقجا سنین

ایندی حسرتله دوزم آیریلیقا منده گرک

************************

آتا

آتانین مقامی بؤیوک دور دوستلار

آتا سؤزونونمو وار قانانی

آتاسیز دونیادا نه دولت نه وار

آتادیر اولادین داماردا قانی

اولاد دوشن کیمی بیر آنلیق دارا

آرخادیر ، دایاقدیر کمکدیر آتا

بو سؤزو سیزلره دئییم آشکارا

هر آندا اولادا آیاقدیر آتا

آتاسیز نینیرم من بو حیاتی

هئچ نه گؤرسنمه ییر منیم گؤزومه

آتاسیز نینیرم قوروب تویو بساطی

هردن دوشونه رک ارزوم اؤزومه

نه قدر کی آتا ساغدیر دونیادا

ائوینه گله نین گئده نین چوخدور

واخت گله ر آتادا کوچر توپراغا

گؤره رسن یانیندا هئچ کیمین یوخدور

****************

ATA

Atanın məqamı böyükdür dostlar

Ata sözününmü var qananı
Atasız dunyada nə dövlət nə var
Atadır ovladın damarda qanı

Ovlad düşən kimi bir anıq dara
Arxadır,dayaqdır ,köməkdir ata
Bu sözü sizlərə deyim aşkara
Hər anda ovlada ayaqdır ata

Atasız neynəyirəm mən bu həyatı
Heç nə görsənməyir mənim gözümə
Atasız neynəyirəm qurub toyu bəsati
Hərdən düşünərək özüm özümə

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید