اؤلمز شاعیریمیز نصرت كسمنلی دن سئوگی نوتلاری و بو گؤركملی شاعیرین آدی گلنده قوی سئونلر دئسین :
حئیف او سئوگییه ، او محبته
بو عؤمور یولوندا اوز- اوزه گلدیک ،
ظولمت بر گئجه دن گوندوزه گلدیک ،
دئیه سن آخیردا بیزگؤزه گلدیک
نه اولار ، آللاهیم ، آییرما بیزی
حئیف او سئوگییه
او یالانچی ایللر گونه دَیمزمیش ،
گول وئردیم ، وئردیییم گوله دَیمزمیش ،
گؤزوم ده چاغلایان سئله دَیمزمیش ،
حئیف او سئوگییه ، او محبّته .
بیر دفعه اورَک دن گوله بیلمدیم ،
کؤنلومو کیمسه یه وئره بیلمدیم ،
سندن باشقاسینی سئوه بیلمدیم .
حئیف او سئوگییه ، او محبّته .
سنسیز گئجه لریم یوخو بیلمدی ،
ایچیمده آلیشان آهی بیلمدی .
من بیلدیم ، سن بیلد ین ، چوخو بیلمدی ،
حئیف او سئوگییه ، او محبّته.
اؤزومون اؤزومدن آجیغیم گلیر،
دوستلاریم کدرلی ، دوشمنیم گولور.
اؤلن سئوگیمیزه یازیغیم گلیر،
حئیف او سئوگییه ، او محبّته.
سولطانلیق تاختیمیز دئوریلدی نئجه ،
کولکسیز ، طوفانسیز سوورولدو هئچه ،
او سئوگی نیفرته چئوریلدی نئجه ،
حئیف او سئوگییه ، او محبّته.
آللاه یم آییرما بیزی ...
بو عؤمور یولوندا اوز- اوزه گلدیک ،
ظولمت بر گئجه دن گوندوزه گلدیک ،
دئیه سن آخیردا بیزگؤزه گلدیک
نه اولار ، آللاهیم ، آییرما بیزی .
سنین الینده دیر طالئعین حؤکمو،
نه اولدو ، بو سئوگی بیر آغیر یوک مو؟
آیریلیق دئییلن سندن بؤیوک مو،
نه اولار ، آللاهیم ، آییرما بیزی .
سونرادان قووشان ایکی یولوق بیز
سئوگییله باشالایان ایکی سونوق بیز.
حاقّینا تاپینان ایکی قولوق بیز،
نه اولار ، آللاهیم ، آییرما بیزی .
دویمادیق سئوگینین شیرین دادینی ،
وورما قلبیمیزه هیجران اودونو،
ائشیت سئونلرین غم فریادینی ،
عضو وبلاگ دوزلو اوغلان شوید و شما هم مطالبتان را منتشر کنید
با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .
برای عضویت در وبلاگ دوزلو اوغلان کلیک کنید
|
منوي اصلي
تبادل
لینک هوشمند
نويسنده: 
