گئتدی گؤردوم

الیمدن هرنه واریم گئتدی گوردوم

یانیمدان نازلی یاریم گئتدی گوردوم

غمیندن قاره گیمیشدی زمانه

قان آغلیردی دیاریم گئتدی گوردوم

یوموبدی گوزلرین اصلا اویانمیر

بو گوزلر گوزلریندن هیچ دویانمیر

ندن منسیز گئدیر بیر آن دایانمیر

داها صبریم قراریم گئتدی گوردوم

غمیندن باغچالاردا سولدو گوللر

سارالدی گورنه پرپر اولدی گوللر

گلیب افغانه زولفون یولدو گوللر

خزان اولدو بهاریم گئتدی گوردوم

او گئتدی گویده سوسدو یئرده سوسدو

قلم قان آغلادی دفترده سوسدو

اورکده دوزمدی بو درده سوسدو

الیمدن ایختیاریم گئتدی گوردوم

بساطین قورسادا فصل زمستان

گلنده هریئر اولموشدو گولستان

گئدنده سوسدو جومله باغ و بستان

چوخالدی آه و زاریم گئتدی گوردوم

سوروردوک عمری بیز شاد و خرامان

بیزی شن گورمگه قیسقاندی دوران

قارا یئل اسدی ویران اولدی هریان

منیم دارو نداریم گئتدی گوردوم

شاعیر : قادیر بابائی

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

نئجه سنسیزله میشم

بیر گویرچین کیمی دنسیزله میشم

bir göyarçin kimi dənsizləmişəm

بولبولم , یازدا چمنسیزله میشم

Bulbüləm yazda çəmənsizləmişəm

اسکی دن شانلی شرفلی ائل ایدیم

əskidən şanlı şərəfli elidım

ظالمه قارشی آمانسیز سئل ایدیم

Zalimə qarşi amansiz selıdım

ذیروه سی چنلی , دومانلی بئل ایدیم

Zirvəsi çənli dumanlı belıdim

ایندی , مدتی کی , چنسیزله میشم

Indi müdəttiki çənsizləmişəm

منده اردئملی ارنلر یاشامیش

Məndə ərdəmli ərənlər yaşamiş

ستارا , بابکه تنلر یاشامیش

Sətara babəkə tənlər yaşamiş

او قدر ائلجه بیلنلر یاشامیش

Ö qədər elcə bilənlər yaşamiş

ایندی من ارسیز ارنسیزله میشم

Indi mən ərsiz ərənsizləmişəm

دردیمین یوخ آدی ,عنوانی دئسم

Dərdimin yöx unvani desəm

حیرته دالدیرار انسانی , دئسم

Heyrətə daldırır insani desəm

باشقا بو سوزله معنانی دئسم

Başqa bu sözlə mənanı desəm

اوز دیاریمدا وطن سیزله میشم

Öz diyarımda vətənsizləmışəm

درد منی یاندیریر , آما اودو یوخ

Dərd məni yandırır ama odu yöx

اودور, آغزیمدا حیاتین دادی یوخ

Odür ağzimda həyatin dadı yöx

دئمیرم دردلر ایچینده آدی یوخ

Demirəm dardlər içində adı yöx

دئیرم : من بئله منسیزله میشم

Deyırəm mən belə mənsizləmişəm

ای منیم منلیگیم , امدادیما یئت!

Ey mənim mənligiyım imdadima yet

بیرجه گل, منله قووش, دادیما یئت!

Bircə gəl mənlə qovuş dadıma yet

منی باس باغرینا, فریادیما یئت!

Məni bas bağrina fəryadıma yet

بیلمیسن کی , نئجه سنسیزله میشم

Bilmisən ki necə sansizləmişəm

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

«آیریلیق»

نازلی یار عشق اودونا بیرده آلیشدیم

یئنه جانان لا كوسوب قم له باریشدیم

بیرده او دورنا گؤزون گؤرمگینه جانلا چالیشدیم

یئنه ده قان لا قاریشدیم

یئنه كؤنلوم نه اولوبدور توتولوبسان

هانسی لیلا سایاغا مجنون اولوبسان ، وورولوبسان

ندی دردین نیه بس قانلا دولوبسان؟

یار تك ، سنده اورك ، آتما منی

بیر خومارگؤز مارالین قایغی سینا ساتما منی

سنده جانان كیمی آلداتما منی

قم ایله ، ماتم ایله قاتما منی

یئتر آغلاتما منی .

نه اولار سنده بیرآز مهر و محبت گؤره سن؟

دیل بیلن یارین اولا ، شوق ایله نازین چكه سن؟

یار سنین یارین اولا ، او قارا زولفون هؤره سن؟

بو قدر آغلاماییب بیر گوله سن؟

دونن آخشام یئنه گئتدیم گؤرم او نازلی یاری

وعده وئرمیشدی گله بیرده باری

نئجه اود ووردو منه او گؤروشون اینتیظاری

گلمه یین گئتمه یه قاتدی دلی كؤنلوم نیگاری

بیرده باخدی اوزومه ایسته دی گئتسین

دؤزمه دی سؤزلریمی كامیل ائشیتسین

نه اولوردو او منیم حالیمی بیلسین.

بیر قدم گوتدو چاغیردیم:

نه اولور گئتمییه سن

منی ترك ائتمیه سن

دؤندو باخدیم اوزونه

دوشدو یالوارماغا دیل، آغلاماغا گؤز

گئتمه بیر دؤز

سنه یالوارمیرام، آمما

بونو یالوارماق حئسابلا

اوخ اولوب باغریما باتما

منی آتما.

دؤندو تحقیر ایله باخدی

قم اوخون قلبیمه تاخدی

كؤنلومو اودلادی یاخدی

دئدی:آخیر نه دئییم باشقا یاریم وار

سنه من سؤز وئره بیلمم، اؤزومون سؤز وئرنیم وار

نه یامان وئردی جواب او سؤزومه

بیر زامان چیخدیم اؤزومدن ، یئنه گلدیم اؤزومه

اوندا بیلدیم كی گئدیبدیر او گوزل یاریم الیمدن

نئجه اینصاف ائلدی او آییران جانی تنیمدن

ایكی ال بیر باشیم اولدو

ائله بیل یوز یاشیم اولدو

بوغازیم توتدو قهر، باتدی سسیم

ائله بیل كی كسیلیردی نفسیم.

 اودا باخماقلا منه گؤزلری دولدو

سارالیب هئیوا كیمی ، گول كیمی سولدو.

آغلادیق هر ایكیمیز یاش توكنینجه

بو صداقتلی سئوینجه

گؤزو آغلار سسی سیزلاردیله گلدی

سانكی بی دین ، دینه گلدی

دئدی ، سن هر نه دئمیشدینسه ایناندیم

سنی مجنون كیمی ساندیم

سنی یاندیرماغا یاندیم

چوخ اوتاندیم،

من سنین عشقینه لاییق دئییلم

بیه مندن سورا گؤز قاره سی یوخدور،

آیریلیق دیر یولوموز

چاره سی یوخدور.

بو سؤزایله گئدرك آتدی منی

قم ایله ، نیسگیل ایله قاتدی منی

آخ نئجه آغلاتدی منی.

بیرده اود توتدو یانان سیگاریلا جان

یاندی قلبیم اودونا ، توستوسونه عشق بوغولدو

وئردیگیم قول شرف سیندی اوغولدو

گلدی یورغون سره لندی

گؤزلریندن یاش الندی.

توتدو اوز تانریا ، قیشقیردی باغیردی:

هئچ كیمین سئوگیسینی باشقاسینا یار ائله مه

منی بوندان دا بؤیوك درده گرفتار ائله مه.

آغلاماقدان دا یورولدو

سیلدی گؤز یاشلارینی سوسدو بوغولدو

آچدی قم دفترینی قان ایله یازدی:

منی هئچ كیمسه اینانماز

سؤزومو دردیمی قانماز

دوشر عاشیق اودا البت

هئچ كیم آنجاق ، بئله یانماز.

بابك اسدی

داغداغان

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

گئجه لر

یئنه غمخانه كیمین دیر منه دونیا گئجه لر

سن كی یوخسان گؤره سن گؤزلری دریا گئجه لر

بیر قارانلیق كوچه دیر ، بیر باجادیر ، بیرده منم

كیم بیله ر دردیمیزی همشه، یلدا گئجه لر

گؤزلیم گؤزلرینی اولدوز ائله گؤزلریمه

بلكه اولسون یوخومون كابوسی ، رؤیا گئجه لر

سن گئدندن سورا بیر بوغضدی سالیب درده منی

گوزیاشیمدان ائله دیم دردی مداوا گئجه لر

اوره ك اولدی پارالی ، گؤزلریم اولدی یارالی

یارادا هریارایا ائتدی مدارا گئجه لر

من پلنگ لر كیمینیدیم آیین اون دورد گئجه سی

آیی اوخشاتدی سنه ائتدی تماشا گئجه لر

سئوگی نین معناسینی گئزمه اوره کلرده کی من

ائتمیشم صبحه قدر سئوگینی معنا گئجه لر

عبدالرضا نورپور

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

گولوم من

آمان گؤزل حسرتیندن یانارام،

هیجران اودون شیرین جانا سالارام.

خزان ائتدین بو عؤمرومون باغینی،

هئیوا كیمی سارالیبان سولوم من.

یئتیشمه دیم نازلی یارین چاغینا

سجده قیلیم قاشلاری نین طاغینا.

قئیس كیمی چیخیم لئیلا داغینا،

مجنون اولوب صحرالاردا قالیم من.

سیاه زولفر اوزه سالمیش سایانی،

مگر بو ظولوما عاشیق دایانی.

فرهاد كیمی بركیتمیشم قایانی،

عهد ائتمیشم یار یولوندا اؤلوم من.

یار، یاردان آیریلسا البت قوجالی،

اؤلدورَر گؤزلرین وئرمز ماجالی.

میسكین دئیر یا رب حالیم نئجولو،

ایللره جن آغلاماییم گولوم من.

حسین قصاب اوغلو (بالوولو میسكین)

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

تا گلمه سه مهدی بشر آزاد اولا بیلمه ز

تا گلمه سه مهدی بشر آزاد اولا بیلمه ز

انسان اولا حیوان اولا دیل شاد اولا بیلمه ز

هر کیمسه دئیه اللشین آزاد اولاق اولماز؟

گر ظاهره او چیخماسا ارشاد اولاق اولماز؟

قویماز بیزی دشمانلاریمیز شاد اولاق اولماز؟

بیر کیمسه ده بو سؤزلره ایراد اولا بیلمه ز

ظاهرده چولون حیوانی آزاددی بشردن

باطنده ولی دائیمی لرزاندی خطردن

شیر بوشلاماز آهونی اگر گئچسه نظردن

اول وقته بشر حیوانا امداد اولا بیلمه ز

شیر حیوانا سلطاندی مگر یوخدی بلاسی

بیر انسانی گؤرسه چیخاجاق عرشه نواسی

راحت یئیه بیلمه ز قالار آغزیندا غذاسی

شیر انسانا، آهو شئره صیاد اولا بیلمه ز

ایت قوردی گؤرنده گلیری فوری نوایه

قود شیری گؤرنده توتور ئوز عرش خدایه

گؤرجک قارا قوش دورنانی تئز قالخیر هوایه

قوزقون گؤره دورنا اوکی ارشاد اولا بیلمه ز

قوش یئرده که دن دنلیری باخ بیر اونا قارداش

دائیم تیتیریر قورخودادیر که دئیه جاق داش

بیر کس دئیه بیلمه ز ایت اولوب قوردیله یولداش

عالمده بخیل قورد کیمی بیر زاد اولا بیلمه ز

آزاد دگیلی آنلادیق ایندی بوتون حیوان

گونده گزیری کوه و بیاباندا هراسان

حیوان بئله اولسا نه چکیر گؤر یازیق انسان

فانی اولار انسان سؤزی برباد اولا بیلمه ز

ماموری بو حیوانین هله یوخدی یانیندا

محتاج دگیلی هئچ زادا بیر فکری جانیندا

آسوده یاتانمیر گئجه لر دودمانیندا

سؤیلور نئجه کی لانه ده جلاد اولا بیلمه ز

انسان نئجه آزاد اولاجاق اولماسا حیوان

باخمیر سؤزونه بیربیرینین دهریده انسان

بیر عدده سی کافردی بیر یاخشی مسلمان

آزادلیق عزیزیم بئله ایجاد اولا بیلمه ز

آزادلیقی اسلام بیزه اورگتدی برادر

قانون قرآندی قارا آغ اولدی برابر

صبر ائیله دی هر تهمته اول قوخمییان حیدر

هر کیمسه ده صبر اولماسا استاد اولا بیلمه ز

انسان اوگون آزاتدی گله حجتی یزدان

آسوده گزه ر کل جهاندا بوتون حیوان

کل بشره حاکم اولار دهریده قران

اوندا یکه شیطان بیزه شداد اولا بیلمه ز

ائتسه او ظهور قورد قویونیله اولی یولداش

راحت دولانار آهو گئدر هریانا بیر باش

ملت دوزلر جمله اولار یولداش و قارداش

دوز انتقادا دهریده فریاد اولا بیلمه ز

آزادلیق اودیر اولمییا عالمده جنایت

قارداش باجیدان ائیله مییه گونده شکایت

پولدان اوتوری ائیله مییه خلقه خیانت

دوز اولسا بشر خلقیده اسناد اولا بیلمه ز

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

صفاسی وار + علی آقا واحید

گرچه محبت عالمینین چوْخ صفاسی وار
هر قاره زولفه میل ائده نین مین بلاسی وار
عاشق شكایت ائیله مز هر جوره صبر ائدر
پروانه سانما آتشه یانسا نواسی وار
هر آشیانه سؤیلمه ك اؤلماز وفاسی یوخ
چك امتحانه بلكه بیر اهل وفاسی وار
قویما قدم دیار محبت بلالی دیر
نه ابتداسی وار نه ده كی انتهاسی وار
صبریله گون گئچیدیر اهل عشق اوْلان
هر درد اوْلورسا آخری بیر گون دواسی وار
بیر داش اوره كلی دلبره چوْخدان وورولموشام
نه رحمی وار نه دوْستلوقی وار نه اداسی وار
شاعرلر ایچره سانما هنرسیزدی واحدی
واحد نه اوْلسادا یئنه بیر ادعاسی وار

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

باتما ای آی

باتما ای، آی، بوردا بیر عاشیق پریشان دیر هله
گلمه ای آیدین سحر یار بیزده مهمان دیر هله

گل پریشانی، پریشان ائیله مه، احسان ائله
ای سخاوت کانی جان مشتاق احسان دیر هله

گل مریض عشقدن کسمه کرامت کولگه سین
اوز پرستاریم منه مشغول درمان دیر هله

دان یئرین، دان اولدوزون بیرده سنی گوزلر گوزوم
مورگولو گوز کیپریک اویناتماز نگهبان دیر هله

قوی غریبلر حلقه سینده منده بیر مجلس قوروم
سنده اول شاهد کی شام، شام غریبان دیر هله

باتما ای،آی، گل یوبان پوزما نیاز عالمرین
گلمه ای آیدین سحر یار بیزده مهماندیر هله

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

بوتون گوزللیگی تانریم او سرو نازه وئریب

بوتون گوزللیگی تانریم او سرو نازه وئریب
او هر نه ائتسه طبیعت اونا ایجازه وئریب
اول آهو گؤزلو گؤرخورام منی خطایه سالا
کی، فیتنه سیله چوخ عاشیقلری گودازه وئریب
اَییلدی سجده یه، محراب گؤردو قاشلارینی
اودور کی، اهل ریا مئیلینی نمازه وئریب
گولردی قیرخ گوزل عشقیله، آغلایاردی خزر
همین او ذوق صفانی کره آرازه وئریب
جمال یوسیفه جاه و جلال محموده
کمالی معرفتی سرّی وار ایازه وئریب
گوزللیک عالمینین شهریاری دیر بو پری
بونا بو سلطنت حسنی ایندی تازه وئریب

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

گوزل

قانلــــی کیــرپیکلریمـــی ائیلــه میشـم شانه گؤزل

گل ووروم شانــــه او گیســوی پریشانــــه گـــؤزل

سوپوروب جان ائویمی سیلمیشم ای مــونس جان

گل کــــی قوربانــدی جانیم سن کیمی جانانه گؤزل

گل قدم قوی گؤزومـــه ، چونکــی سنین خاطیرینه

بزنیب قیرمیـــــزی مــرجانلا بو کـاشــانـــــه گؤزل

سئومــــه سن گؤزلریمی ، خلوت سینه مده اوتور

بـــو عمــــارتده نه یاد وار نه ده بیگانـــــــه گؤزل

مین کـــره یاندی پریــم شـووق ووصالینــدا سـنین

سن کیمی شمع هانی ، من کیمــی پروانه گؤزل ؟

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید